Elaichi ka istemal kahan kahan nahin hota. Khane peene ki koi cheez ho ya fir chai, hum har jagah Elaichi ka istemal karte hain. Lekin kya aap jante hain ki Elaichi ke fayde kya hain (Health Benefits of Elaichi). Hum me se to kuch logon ko pata hoga ki Elaichi ke benefits kya hain lekin kuch ko nahin pata hoga. Jise pata hai acchi baat hai aur jise nahin pata unhe aaj hamari is post ke madhyam se pata chal jayega ki Elaichi khane ke kya kya benefits hain.

Aamtaur par elaichi ka sevan masale ke roop me kiya jaata hai aur kuch log iska sevan mouth freshner ke roop me bhi karte hain. Apko bata den ki Eliachi India me ugne wala ek paudha hai jo ki jyadatar Karnataka, Tamilnadu aur Kerala me hota hai. Yahan in jaghon par Elaichi ki kheti bahut badi matra me ki jaati hai. Bahut se logon ko pata bhi nahi hoga ki Elaichi ke hamare sharir ke liye kitne benefita hain. Jo chaliye hum aage badhte hain aur jante hain ki Elaichi ke fayde kya hain aur kaise yeh hamare sharir ko labh deti hai.

Types of Elaichi (इलाइची कितने प्रकार की होती है)

Bharat me do tarah ki elaichi paai jaati hai, Agar kabhi koi puche ki Elaichi kitni tarah ki hoti hai ya How many Types of Elaichi are there to aap unhe batayein ki Elaichi Do Tarah ki hoti hai. Pehli hoti hai Badi Eliachi aur dusri hoti hai Chhoti Elaichi. Badi elaichi dikhne me kaale rang ki hoti hai aur chhoti elaichi ka rang hara hota hai. Chhoti Elaichi ka istemal jyada tar munh ki smell ko dur karne ke liye kiya jaata hai aur sath hi mithai banane aur sabjiyon ki khusboo badhane ke liye kiya jaata hai. 

Dusri tarah badi elaichi jo ki kaale rang ki hoti hai uska istemal masalon ke taur par kiya jaata hai. Yeh dfo hain to Elaichi hi lekin dono ka akaar, rang aur swad alag alag hota hai. Jaisa ki humen bataya ki Elaichi do tarah ki hoti hai – Pehli Kaali aur dusri Hari. To isi vajah se kai jagahon par in eliachiyon ko Hari Elaichi aur Kaali Elaichi ke naam se bhi jaana jaata hai. 

छोटी इलायची के फायदे  (Cardamom Health Benefits in Hindi)

Aapko Elaichi Khane ke fayde batane se pehle yeh baat bata den ki is chhoti si cheez ke bahut sare fayde hain. Agar hum in Elaichi ke faydon ki list banane lag jayein to n jaane ki yeh list kitni lambi ho jayegi. Aaiye is post me jante hain Chhoti Elaichi Ke Fayde. 

Digestion Me Sudhar Kare

Agar aapko digestion ki problem rehti hai to chhoti elaichi ka sevan karna aapke liye bahut hi jyada faydemand ho sakta hai. Kharab Lifestyle ke chalte aajkal har dusra aadmi Gas ki samsya, acidity problem, kabz ya indigestion se pareshan rehne lag gaya hai. Aise me kuch easy home tips aapko in samsyaon se raahat dilwane me madad kar sakte hain. Kabz, acidity, gas ki samsya ko dur karne me elaichi bahut hi jyada faydemand hai. Elaichi me aise aise poshak tatv paye jaate hain jo ki hamari pachan shakti ko badhate hain aur sath hi pet ki jalan ko bhi dur karne me madad karte hain. 

Sardi Khansi aur Gale ki Khrash Me Asardar

Sardi, khansi hona aajkal ek aam baat ho gayi hai. Hum kabhi na kabhi to is samsya ka samna karte hi hain. Iske sath sath agar gale me kharash ho jaye to wo to bahut hi jyada pareshan karti hai. Badalte mausam ki vajah se aksar log is samsya ki chapet me aa jate hain. Sardi hone par hamare gale me kharash hone lagti hai. Lekin agar aap sardi ho jane par Elaichi ka sevan karnege to yeh asardar ayurvedic aushadhi aapko is gale ke kharash se raahat dilwa sakti hai. Iske sath sath yeh sardi aur khansi me bhi labhdayak hai. 

Blood Pressure Kam Karne Me Labhdyak

Ajkal Blood pressure ke patient bahut badhte jaa rahe hain. Yeh blood pressure agar sahi samay par thik na ho to aage chalkar yeh bahut si beemariyon ko nyota deta hai. Apko bata den ki ek research ke mutabik agar ilaichi ka roj sevan kiya jaye to yeh blood pressure ko kam karne me asardar hai. Jo log high bp ki samasya ya hypertension se pareshan hain unhe Elaichi ka sevan pratidin karna chahiye. Eliachi me mojud potassium aur magnesium blood pressure ko control karne me madad karte hain.

Asthma Me Labhdayak

Vaise agar hum agar elaichi ke faydon ki baat karein to iske bahut se fadye hain auir asthma bhi unme se ek hai. Yeh ayurvedic aushadhi asthma ke mareezon ke liye bahut hi jyada labhdayak hai. Elaichi main aise gun paaye jaate hain jo ki lungs me blood ke circulation ko banaye rakhte hain jis se lungs healthy rehte hain. Iski madad se asthma jaisi bimariyon se bachav hota hai.

Bhukh Badhane Me Madad

Jis tarah se elaichi ka sevan bhukh digestion ko sudharne me kiya jaata hai usi tarah se yeh hamare shareer ke metabolism ko bhi sudharta hai. Jab metabolism thik hota hai to bhookh bhi badhti hai. Jin logon ko bhookh km lagti hai unhe Elaichi ka sevan karna chaihiye.

Elaichi Khaane Ke Anya Fayde

  • Yeh muh ki smell ko kam karne me bhi bahut sahayk hai. Yahi ek vajah hai log ise mouth freshner ke roop me istemal karte hain. Agar aap munh ki durgandh se pareshan hain to aapko elacihi ka sevan karna chahiye.
  • Yeh napunsakta ko door karne bhi bahut sahayak hai. Jin logon ka sex karne ka man nahin karta ya sex karne par jaldi ejaculate ho jata hai, unke liye elaichi ka sevan labhdayak hai. Chhoti eliachi ka sevan napunsakta ko door karne me madad kar sakta hai. Elacihi ka sevan karen aur apni sex life ko behtar banayein.
  • Tanav ko dur karne me bhi chhoti elaichi bahut hi jayada faydemand hai. Elaichi ki khushboo mood ko fresh banaye rakhti hai.